Tikinti şirkətinə lisenziya almaq
Tikinti şirkətinə lisenziya almaq Azərbaycan Respublikasında inşaat sahəsində qanuni və etibarlı fəaliyyət göstərmək üçün əsas şərtlərdən biridir. Tikintisinə icazə tələb olunan bina və qurğuların tikinti-quraşdırma işləri üzrə lisenziya alınması şirkətə dövlət tərəfindən təsdiqlənmiş səlahiyyət verir və onun gördüyü işlərin keyfiyyətinə, təhlükəsizliyinə və standartlara uyğunluğuna zəmanət yaradır.
Lisenziya alınması prosesi qanunvericiliyə uyğun olaraq sənədlərin toplanmasını və müvafiq quruma müraciəti əhatə edir. Bu yazıda tikinti şirkətinə lisenziya almaq üçün lazım olan bütün mərhələlər, tələb olunan sənədlər, rüsumlar və vacib qaydalar barədə ətraflı məlumat əldə edəcəksiniz.
“Minor Business Group” MMC tikinti və sənaye sahəsində fəaliyyət göstərən şirkətlərə lisenziyalaşdırma prosesində peşəkar hüquqi dəstək göstərir. Şirkət sənədlərin qanunvericiliyə uyğun hazırlanması, müraciət mərhələsində məsləhət xidməti və hüquqi dəqiqliyin təmin edilməsi ilə müştərilərinə vaxt və resurs qənaəti vəd edir. Məqsəd hər bir biznesin fəaliyyətini qanunvericiliyə tam uyğun şəkildə qurmasına və etibarlı inkişaf yoluna çıxmasına kömək etməkdir.
Tikinti şirkətinə lisenziya almağın əhəmiyyəti
Azərbaycan Respublikasında tikinti sahəsində fəaliyyət göstərmək istəyən hər bir şirkət üçün lisenziya alınması qanunla müəyyən edilmiş vacib tələblərdən biridir. Lisenziya yalnız dövlət orqanlarının icazəsi ilə verilən rəsmi sənəd deyil, eyni zamanda şirkətin peşəkarlıq səviyyəsini və etibarlılığını təsdiq edən göstəricidir.
Tikinti-quraşdırma fəaliyyəti üçün lisenziya alınması şirkətə bir sıra üstünlüklər qazandırır:
Dövlət və bələdiyyə layihələrində iştirak hüququ;
Müştərilərin etimadını artırmaq və bazarda rəqabət qabiliyyətini gücləndirmək;
Fəaliyyətin qanunvericiliyə tam uyğun şəkildə həyata keçirilməsi;
Həm yerli, həm də beynəlxalq əməkdaşlıqlar üçün etibarlı imic formalaşdırmaq.
Lisenziyasız fəaliyyət göstərmək isə inzibati cərimələr, işin dayandırılması və hüquqi məsuliyyət kimi ciddi nəticələrə səbəb ola bilər. Buna görə də tikinti şirkətinə lisenziya almaq yalnız formal prosedur deyil, biznesin sabit və uzunmüddətli inkişafı üçün əsas addımdır.
Tikinti fəaliyyəti üçün lisenziya növləri
Azərbaycan Respublikasında tikinti-quraşdırma fəaliyyəti üçün lisenziya alınması bir neçə istiqaməti əhatə edir. Fəaliyyətin növündən asılı olaraq şirkətlər fərqli kateqoriyalara aid lisenziyalar əldə edə bilərlər. Bu bölgü işlərin təhlükəsizlik səviyyəsinə, texniki mürəkkəbliyinə və ixtisas tələblərinə əsaslanır.
Əsas tikinti lisenziyası növləri aşağıdakılardır:
Tikintisinə icazə tələb olunan bina və qurğuların tikinti-quraşdırma işləri
Tikintisinə icazə tələb olunan bina və qurğuların mühəndis-axtarış işləri
Tikintisinə icazə tələb olunan və barəsində məlumatlandırma icraatı tətbiq olunan bina və qurğuların layihələndirilməsi
Liftlərin quraşdırılması və təmiri fəaliyyəti
Hər bir növ üzrə lisenziya alınması zamanı fərqli sənədlər, ixtisas tələbləri və texniki göstəricilər nəzərə alınır. Doğru lisenziya növünün seçilməsi şirkətin fəaliyyətinin qanunvericiliyə tam uyğun və təhlükəsiz şəkildə aparılmasını təmin edir.
Tikinti şirkətinə lisenziya almaq üçün tələblər
Azərbaycan Respublikasında Tikinti şirkətinə lisenziya alınmaq üçün əsas tələblər, “ Lisenziya və icazələr haqqında qanun ilə və Nazirlər Kabineti 2002-ci il 7 noyabr tarixli, 174 nömrəli qərarı ilə tənzimlənmişdir.”
Əsas tələblər aşağıdakılardır:
Hüquqi şəxs kimi qeydiyyat
Şirkət Azərbaycan Respublikasında hüquqi şəxs kimi qeydiyyatdan keçməlidir.
Vergi orqanlarında və digər müvafiq dövlət qurumlarında qeydiyyat sənədləri tələb olunur.
Peşəkar heyət
Şirkətin mühəndis, memar və texniki işçiləri müvafiq diplom və sertifikatlarla təmin olunmalıdır.
İşçilərin ixtisası və təcrübəsi görüləcək işlərin mürəkkəbliyinə uyğun olmalıdır.
Maddi-texniki baza
Tikinti-quraşdırma işlərini həyata keçirmək üçün lazımi avadanlıq və resurslar mövcud olmalıdır.
Təhlükəsizlik standartlarına və normativ sənədlərə uyğun şərait təmin edilməlidir.
Hüquqi və maliyyə təminat
Şirkət qanuni öhdəliklərini yerinə yetirə biləcək maliyyə resurslarına malik olmalıdır.
Zəruri hallarda dövlət tərəfindən tələb olunan sığorta və təminatlar mövcud olmalıdır.
Bu tələblərin yerinə yetirilməsi lisenziya alınması prosesinin əsas şərtlərindən biridir və şirkətə həm dövlət layihələrində iştirak, həm də müştərilər qarşısında etibarlı imic qazandırır.
Lisenziya almaq üçün tələb olunan sənədlər
Tikinti şirkətinə lisenziya almaq üçün müəyyən edilmiş sənədlər lisenziya və icazələr haqqında qanuna uyğun olaraq aidiyyatı dövlət qurumuna təqdim olunmalıdır. Əsas sənəd ərizədir, ona əlavə olaraq aşağıdakı sənədlər tələb olunur:
Hüquqi şəxs və ya filial/nümayəndəlik üçün
Hüquqi şəxslərin dövlət reyestrindən çıxarışın surəti.
Fərdi sahibkar üçün
Şəxsiyyət vəsiqəsinin surəti.
Vergi qeydiyyatı
Ərizəçinin vergi ödəyicisi kimi uçota alınması haqqında şəhadətnamənin surəti.
Obyektlərlə bağlı sənədlər
Ərizədə göstərilən hər bir obyekt üçün ərizəçinin mülkiyyət, istifadə və ya icarə hüququnu təsdiq edən sənədin surəti (əgər lisenziya tələb olunan fəaliyyət müəyyən obyektlə bağlıdırsa).
Əlavə şərtlərin yerinə yetirildiyini təsdiq edən sənədlər
Fəaliyyət növünün xüsusiyyətindən asılı olaraq, Azərbaycan Respublikasının qanunları və Nazirlər Kabinetinin müəyyən etdiyi əlavə şərtlərin yerinə yetirildiyini göstərən sənədlər.
Bütün bu sənədlərin tam və düzgün təqdim olunması lisenziya alınması prosesinin əsas şərtidir. Dövlət orqanları sənədləri yoxladıqdan sonra şirkətin fəaliyyətinə uyğun qərar qəbul edirlər.
Tikinti şirkətinə lisenziya alma prosesi
Tikinti şirkətinə lisenziya almaq üçün proses müəyyən mərhələlərdən ibarətdir. Hər bir addım qanunvericiliyə uyğun və sistemli şəkildə həyata keçirilməlidir. Aşağıda lisenziya alınması prosesi addım-addım izah olunur:
Müraciətin hazırlanması və təqdim edilməsi
Şirkət rəsmi ərizə formasını doldurur və tələb olunan sənədlərlə birlikdə müvafiq dövlət orqanına təqdim edir.
Bu mərhələdə sənədlərin tamlığı və düzgünlüyü yoxlanılır.
Sənədlərin yoxlanılması
Dövlət qurumları təqdim edilmiş sənədləri nəzərdən keçirir.
Şirkətin hüquqi qeydiyyatı, maliyyə təminatı, maddi-texniki bazası və heyətin ixtisası qiymətləndirilir.
Qiymətləndirmə və qərarın verilməsi
Mütəxəssislər sənədləri və şirkətin imkanlarını qiymətləndirir.
Uyğunluq təsdiq edildikdə, lisenziya verilməsi barədə müsbət qərar qəbul olunur.
Lisenziyanın verilməsi
Qərar qəbul edildikdən sonra şirkətə rəsmi lisenziya təqdim olunur.
Bu lisenziya şirkətin qanuni şəkildə tikinti-quraşdırma fəaliyyətinə başlamasına imkan verir.
Düzgün planlaşdırılmış və mərhələli lisenziya alınması prosesi şirkətə həm vaxt, həm də resurs qənaəti təmin edir və gələcəkdə hüquqi problemlərin qarşısını alır.
Tikinti şirkəti üçün lisenziya müddəti
Qanuna əsasən Lisenziyalar müddətsiz verilir.
Tikinti şirkətinə lisenziya almaq üçün dövlət rüsumları
Tikinti şirkətinə lisenziya almaq prosesi yalnız sənədlərin təqdimindən ibarət deyil, həm də dövlət tərəfindən müəyyən edilmiş rüsumların ödənilməsini tələb edir. Lisenziya alınması üçün rüsum məbləği fəaliyyət növünə və müraciət edilən lisenziya kateqoriyasına görə dəyişir.
Azərbaycan Respublikasında tikinti-quraşdırma fəaliyyəti üçün lisenziya alınması zamanı dövlət rüsumları aşağıdakı qaydada müəyyən olunub:
