Geriyə
Mediasiya
Mediasiya tərəflər arasında yaranmış mübahisələrin məhkəməyə getmədən, neytral üçüncü şəxs, mediator vasitəsilə həll olunmasıdır. Bu üsul həm vaxt, həm də xərclərə qənaət etməyə imkan verir. Ən əsası isə mediasiya prosesi zamanı qərar məhkəmədəki kimi hakim tərəfindən deyil, məhz tərəflərin qarşılıqlı razılığı əsasında qəbul edilir. Məhkəmə proseslərindən fərqli olaraq, daha çox anlaşma, kompromis və barışığa yönəlir. Burada əsas məqsəd kimin haqlı olduğunu sübut etmək yox, mövcud problemi hər iki tərəf üçün ədalətli şəkildə həll etməkdir.
Mediasiya Prosesi
Mediasiya prosesi sürətli, məxfi və çevik formada həyata keçirilir. Burada tərəflərin maraqları qorunur, hər bir tərəf güzəştə getdikcə qarşı tərəfdən də eyni güzəşt tələb olunur.
Mediasiyanın əsas xüsusiyyətləri:
Fərdilik və məxfiçilik – prosesdə yalnız tərəflərin icazə verdiyi şəxslər iştirak edə bilər, açıqlanan məlumatlar sirr saxlanılır.
Antikorrupsiya prinsipi – tərəflər arasında etimad yaranır, qeyri-qanuni hallara yol verilmir.
Məcburi qərarların olmaması – nəticə tərəflərin razılığı əsasında formalaşır.
Qərarların könüllü icrası – əldə olunan razılıq könüllü şəkildə həyata keçirilir və münasibətlər daha davamlı olur.
Ən mühüm məqamlardan biri odur ki, mediasiya xərcləri məhkəmə xərclərindən qat-qat aşağıdır. Bundan əlavə, aylarla qərarların qüvvəyə minməsi gözlənilmir, şikayətlər və əlavə bürokratik prosedurlar olmur. Mediasiya müraciət forması sadədir və müraciət edən tərəf üçün əlavə çətinlik yaratmır. “MINOR BUSINESS GROUP” MMC peşəkar hüquqşünas və mediator komandası ilə sizə yardım göstərərək bütün prosesin rahat şəkildə aparılmasını təmin edir.
